تأملات حياتيه فى وقائع مصرية

3- المشهد الثالث


وبيقولك هابى فالانتاين



خير اللهم اجعله خير فتحت عينى وجهزت زى كل يوم وخرجت من بيتنا

بصيت حواليا لقيت الدنيا كلها حموا

الراجل اللى ماشى هناك ده لابس احمر ، والست اللى جنبه هى كمان لابسه احمر

والبنت اللى واقفه شايله كتبها مشتنيه الاتوبيس بردو لابسه احمر

والولد اللى واقف هناك ده وشعره مغرقه جل وموقفه لفوق كده زى ما يكون لسه طالع من كشك الكهربا اللى جنب بيتهم بردو لابس احمر

وتوسعت فى نظرتى اذا بيا الاقى الشارع مليان ناس شايله هدايا وطبعا انا عاملة زى جيرى فى افلام الكارتون عينيا رايحة جايه ورا الهدايا بتفرج ولا كانها بالنسبة لجيرى حتة جبنه رومى رايح جاى معاها

وركبت الاتوبيس لقيت السواق لابس كوفيه حمرا هو كمان

وطبعاً انا ولا فاهمة أى حاجة !!!!

كل اللى جه فى تفكيرى المحدود لحظتها ان يمكن كان فى ماتش للاهلى امبارح وكسب فيه .. ولا تكونش مصر كسبت كاس العالم وانا معرفش؟؟؟؟ يمكن !!

او يمكن النهارده اليوم العالمى لتدعيم ومسانده مرضى الحصبة فى العالم

وبعدين قلت هو انا هفضل كده كتير ما اسال اى حد وخلاص


سألت البنت اللى جنبى " كانت لابسه احمر بردو" : احم .. هو النهارده فى ايه اصل كل الناس لابسه احمر؟

بصتلى بصه كلها استغراب تحس كده انه ممزوج بأرف : النهارده الفالانتاين انتى ايه مش عايشة فى الدنيا


حسستنى انى مبفهمش فى حاجة قلت لأ لازم استرد كرامتى وادارى الموقف باى حاجة :

قلتلها اه صحيح تصدقى نسيت

وبصيت لقيتها ماسكة شنطة هدايا ضربت عينى فيها لقيت فيها حاجة كده تقريبا ساعه رجالى فكملت بقى استهبال وقلتلها : اوووووووه دلوقتى ميزو هيزعل انى مش كلمته ومش جبتله هديه ...يارب بقى مش يزعل


المهم : نزلت من الاتوبيس ودخلت الكلية وكانت المفاجأة : ايه ده عيد الربيع ياخواتى الكلية كلها قلبت احمر ولا اجدعها فيلم مصاصين دماء "Vampires يعنى " وكله بقى لابس اللون ده اللى لايق عليه واللى مش لايق واهو اى احمر والسلام

والورد مالى الدنيا : ياعينى على البساتين اللى فضيت فى اليوم ده .. يللا خللى الناس تسترزق

وشويه بقى جت واحده اعرفها قلتلها بقى تحكيلى باستفاضة عن الفالانتاين ده

قلتلها : ايه حكاية الفالانتاين ده؟

بصتلى بصه تمام البصة اللى بصيتهالى الاخت اللى كانت فى الاتوبيس : وقالتلى اولاً اسمه فالانتاينز يا جاهلة اتعلمى بقى

رديت : قال يعنى حرف الزيد ده اللى هيفرق

ردت : زيد ايه يا ام جهل ده حرف اس بس بيتنطق زيد ايه متعلمتيش فى المدرسه

قلتلها : لا اتعلمت بس معلموناش الفالانتاينززززززززز بتاعك ده .. وعموما اهو منكم نستفيد

وقعدت بقى تحكيلى ان معرفش مين كان بيحب مين .. قام مين مرضيش يجوزهم .. راح عم فالنتاين ده جوزهم وعملوله عيد بقى.


يا سلام طيب ماهو المئازين " جمع مأذون يعنى" ماليين البلد ميعملوا لكل واحد بقى عيد ويبقى عم حسنىز داى ، وعم رءووف ز داى ، وعم مش عارفه مين داى وتبقى هيصة بقى وعيد كل يوم.. اشمعنى دول محدش عبرهم وعملهم عيد يعنى " تخيل تلاقى واحد بيقول هابى محسنز داى.. هتبقى تحفه"


والله هم يضحك.. وتلاقى بقى ايه الجامعه مليانه اتنينات اتنينات متبعترين فى كل حته وكل واحد فيهم عمال يسبل بقى للتانى والهدايا رايحه جايه ... من هنا لهناك ومن هناك لهنا ومن هنا لهناك ومن هناك لهنا ومن هنا لهناك .. لاااااااااااااااااااااااا كفاية انا كده هيجيلى حول وهتجنن

انا بس كان ايه اللى خرجنى من بيتنا النهارده


لا وايه اللى عرفته بقى ان فى عيدين فى السنة قال ايه واحد مصرى والتانى عالمى .. الله هو عم فالانتاين ده مش عاتق لا مصرى ولا اجنبى .. ده كده تعدى على تخصص اسامة منير وبيقطع عليه ... ده تلاقى اسامه لو يعرفه هيقطعه.. ولا ليه المسامح كريم واسامه قلبه طيب ... طيب خالص وبيساع كل بنات مصر والعالم العربى اللى بييجوا يقضوا اجازاتهم هنا فى مصر. والله ده هو اللى مقطع على شباب اليومين دول


لأ وايه تلاقى الست اللى بتبيع الورد واقفه على كوبرى الجامعه وتجيلى انا وصاحبتى واحنا ماشيين وتقولنا : كل سنة وانتم طيبين ربنا يخلى ايامكم كلها حب

يا ستى حب مين بس النهارده عيد الحبيبة زى ما بيقولوا مش تقوليلى انا وصاحبتى ...

وسلملى على الفالانتاينز بالزين لحد يتضايق ولا حاجة

وعجبى


سيبكم بقى من كل ده وتعالوا احكيلكم على حاجة: ايه بقى حكاية الفالانتاينز ده: الناس تدافع وتقولك عيد الحب والناس تفرح بعضها وتبقى تمام التمام ويبقى يوم الناس تفتكر فيه بعض ويتبسطوا سوا

طيب ممكن اقول حاجة؟

انتم : اه اتفضلى

انا : مرسى .. شكراً


شوفوا يا جماعه.. انا مش ضد اننا نحب بعض ونفرح بعض.. بس ليه الفالانتاينز... ايون "على راى احمد حلمى" ايون ليه الفالانتاينز؟ وعلى اى اساس ؟ وايه مدى ارتباطه بينا وبثقافتنا كعرب ومسلمين وايه مدى صلته بديننا .. هو اى حد يطلع باى اختراع نتجنن بيه كده ونحتفل بيه وخلاص كده من غير حسابات عقل


وبعدين حب ايه بقى اللى بنحتفل بيه : حب الولد والبنت اللى لسه بياخدوا مصروفهم من ماما وبابا وبيتقابلوا من وراهم وبيحوشوا مصروفهم ده علشان يجيبوا هدايا لبعض؟؟؟؟

ولا حب الولد للبنت اللى بيشتغلها وبيثبتها بكلمتين علشان يتسلى شويتين وبعدين يشوف غيرها؟؟؟

ولا حب الشباب اللى ماشيين فى الشارع ماسكين ايد يعض ولا ماشى واخدها تحت دراعه وقال ايه بيحبها؟؟؟

هو لو بيحبها مش هيسمح لحد يبصلهم بصه مش هى خصوصا ان ده مش من الادب ولا الدين ولا الاحترام ابدا انه يمشى بالمنظر المشين ده

ولا الحب بتاع التليفونات اللى ببقضوها فيها رغى لحد وش الصبح ولما تحس ان فى حد جاى تقوم تتنطط وترمى التيفون بعيد وكانها بتسرق ومش عايزة حد يشوفها- ولا كانها ليه هى فعلا بتسرق؟؟

ولو هنتكلم عن الحب اللى بين الزوج وزوجته او الام واولادها او الاصحاب وبعضهم او الاخوات مع بعض ... فمش لازم يكون فى يوم هو ده بس اللى بنعبر فيه عن حبنا المفروض بنعبر عنه فى كل وقت ... ممكن يكون فى يوم نفتكر فيه ذكرياتنا الحلوة سوا بس مش شرط يبقى موحد لكل الناس كل حد وليه يومه الخاص وده فى خصوصيه اكتر وطعمه احلى 100 مرة واكتر


وحتى لو عايزينه يوم واحد ليه يبقى مرجعه ومرده الى قصه قديس زوج اتنين ... اصلا مين هما الاتنين ومين هو القديس ده علشان يبقى عيد يحتفل بيه العالم كله ... هل خلاص هما دول الاكملين اللى يستحقوا يبقوا قصه تتحكى لكل الناس ونخلد ذكراهم ... طيب على اى اساس؟؟؟؟؟؟


يمكن اتكلمت اكتر شوية عن السلبى ويمكن فى ناس مش بيعملوا حاجة غلط فى احتفالهم بس مش دى الفكرة .... وفى الواقع ان اغلب اللى بيحتفلوا فى العيد ده بيحتفلوا غلط وبيبقوا ناس من النماذج اللى رصدتها فى كلامى ومش ده اللى المفروض يحصل ... ده احنا كده بنديهم فرصة وبندعمهم انهم يعملوا الغلط لأ وايه عملنالهم يوم وخصصناه ليهم يعملوا فيه اللى عايزينه ويهادوا بعض من غير اى قيود ولا ملزمات وبقى الغلط شائع وهو ده الطبيعى وكمان بنحتفل بيه


انا كده خلصت كلامى


وسلملى كمان مرة على الفالانتاينز .........

وعجبى على زمن اختلط فيه الحق بالباطل......................

  • Digg
  • Del.icio.us
  • StumbleUpon
  • Reddit
  • RSS

تأملات حياتية فى وقائع مصرية

المشهد الثانى : الوجة الاخر من المجتمع

فى ذاك اليوم وحين جلست أتأمل صفحة المياه المنبسطة أمامى ... ولكم يثير فى نفسى السرور ان استقل تلك الوسيلة تحديداً دون غيرها -والتى ربما تكون أقل منهم فى المدنية والتحضر - كى أصل الى البلدة التى أقطنها فلكم أحببت اللحظات التى تمر على وأنا شاردة فى خواطرى ناظرة الى ذلك النيل العظيم والذى يمثل لى الكثير من المعانى ... جلست اتامل موجاته التىتتراقص على سطحه بفعل الهواء الذى يداعبها ، تلك الامواج العميقة المعتمه التى لا تظهر ما تحتها ، تلك الامواج الغامضة كأبيها ... جلست اتأمل كل ذلك وأنا شارة بخاطرى وترزاحمت الأفكار فى ذهنى وكانت الواحدة تدفع بأختها كى تحل محلها وتشغل بعضاً من وقت تفكيرى لا أدرى من أين جاءت كل تلك الافكار ، وحينها أصبحت غارقة فى أفكارى لا اشعر بمن حولى إلى أن راعنى صوت يقول "ورنيش يا بيه ، حد عايز ورنيش" وحين التفت الى مصدر الصوت فإذا به طفل صغير لا تيجاوز عمره العشر سنوات ، كان ذلك الطفل المسكين يجوب الأنحاء حولى حاملا ذلك الصندوق الثقيل والذى عبء حمله لن يكون أثقل من تلك الاعباء التى ألقت بها الحياة على ذلك الصغير
كان يحمل ذلك الصندوق ويمر على الركاب فرداً فردأ يرجوهو أن يسمح له أحدهم بأن يأخد حذاءة كى يلمعه ويعيده اليه نظير القليل من القروش التى لن تكفيه ولن تقضى حاجتة حتى من المأكل ، ولكنه غالباً ما يواجه بالرفض وتكون الردود " لا ، لا اريد ، اذهب بعيداً " أو ربما يحترمه أحدهم ويقول له " شكرا" بينما اكتفى بعضهم بأن أشاح بوجهه بعيداً عنه ولا يكلف نفسه عناء الرد علي ذلك الطفل المكسوة ملامحة بحزن عميق ، وقد رسمت الايام بقسوتها ملامح وجهه وسطرت تقسيماته،
ذلك الطفل بملابسة المهلهلة والتى شهدت معه سنوات من العناء والشقاء والبؤس ،والملظخة بدهان الاحذية فى كل موضع منها.
لست أدرى من السبب فى معاناة ذلك الطفل ، نعم انه قدر الله الذى قدره له وأن ذاك نصيبه من الدنيا، ولكن الله جعل لكل شئ سبباً فهمو مسبب الأسباب، ترى من السبب فيما آل اليه حال ذلك الطفل المسكين
أهخو الأب : الاب الذى رحل دون سؤال عن اولاده وتركهم مثل قطعة من الخشب وسط بحر لجى عاصف الامواج وتركهم لتلك الامواج تتلاعب بهم وتتقاذفهم كيفما شاءت
أم هى الام : التى ترك أولادها هكذا يجوبون الشوارع الطرقات بحثاً عن لقمة العيش نظيفة كانت او لا ، حلالاً كانت أو حراماً ، لا يهم ولكن كل ما يهمها هو انها ازالت من على عاتقها عبء هؤلاء المساكين وتركتهم ليلاقوا مصيرهم المحتوم ويحتكوا بالأرصفة والطرقات الاسمنتية القاسية على جلود الصغار الناعمه والتى سرعان ما تتحول الى الخشونة وتتشقق كذلك.
أم انهم الاثنين معاً الذين أنجبوهم وتركوهم فى الشارع ليرتطموا بأمواج الحياة القاسية المتوحشة والتى تعصف بكل ما لهم من ملامح طفولية بريئة، تلك الطفولة التى تم تبديدها وهم مازالوا فى عمر الزهور ولكن اين تلك الزهور لقد ذبلت ولم يتبق منها سوى اشواك،ترسم ذلك الهيكل الذى مازال يصرخ قائلاً أنا انسااااااان
ام انه الفقر والعجز : القفر الذى اجبر كلا من الاب والام يتخلون عن صغارهم هكذا لأنهم لا يقوون على توفير ما يسد رمقهم.
ام انها الحيتان التى تستولى على كل ما تواجه سواء أكان من حقها ام لا تاركة هؤلاء الضعفاء هكذا وقد سلبوهم ابسط حقوقهم فى الحياة وهى ان يجدوا المأؤى .
أم ان المسئول هو المجتمع الذى ترك أولاده هكذا بعضهم ييشيع فى الارض الفساد والبعض الاخر مستسلم لمصيره المظلم فى تلك السفينة التى صعد على متنها رغماً عنه ، ولا يعلم مرساها الا الله، حتى ان تلك السفينة التى كانونا يظنون انها ربما تكون النجاة لهم قد تم خرقها وتسلل الماء اليها ليغرقها يأخدها الى اعماق المجهول.
أم أننا السبب فى تجاهلنا لهم ونظرتنا التى دائما ما تكون نظرة اشمئزاز من ذلك المشهد الذى نرى
لست أدرى أظلمناهم نحن ام ظلمهم ذويهم ام ظلموا انفسهم ولست ادرى أنى لهم ذلك
لست ادرى من هو الظالم ولكن ما ادركة حق الادراكط ان هؤلاء الاطفال فى مثل ذلك السن هم المجنى عليهم وليتنا نستطيع أن نحميهم من انفسهم لأنهم عندما يكبرون فسيكونون أسوأ مثال للعبث والفساد والشر والغصب العارم الاشبة بالنيران المتصاعدة من فوهة البركان والتى تلتهم كل ما حولها ، تلك هى نيران التمرد والانتقام من ذلك المجتمع الذى ظلمهم ومازال يظلمهم وأدى بهم الى هذا الحال وبعد ذلك ينظر اليهم قائلا: من انتم ايها الشرذمة كى تطالبون بحق الحياة؟؟
ان الخطأ هو خطؤنا لأننا اهملناهم لأننا تعاملنا على انهم لا شئ ،
لابد ان نكف عن قول تلك الشعارات السخيفة والتى من كثرة استخدامها فقدت معناها ، اننا نتحث فقط بينما هم يعانون ، لا بد أن نتعلم كيف نعالج المشكلة من جذورها لا ان نضع عليها طبقة من الكريمة وقطعة من الكرز كى نزين شكلها حتى لا تضاييقنا الحقيقة وتزعجنا من حين لأخر
قول بسيط : الى متى ستستمر الكريمة فى مفعولها ؟ وان غطت ا لمنظر القبيح فهل ستخفى تلك الرائحة المتصاعدة والتى كادت ان تخنق مجتمعنا بل وبدأت بالفعل فى ذلك.
ان ما حدث هو اننا احسسنا بلوم الاخرين لنا فقررنا اخفاء الوضع بتلك الاشياء التى تزين الشكل فقط بينما الجوهر مازال كما هو.
ليتنا نسرع فى احتواء الامر قبل ان يتطور اكثر من ذلك ونحتويهم ونقدم لهم القدوة الحسنة كى يصبحوا نافعين حقا لمجتمعم ، ليتنا نفعل ذلك بحق عن ايمان واقتناع ونترك تلك الشعارات التى نستخدمها عندما يدق ناقوس الخطر كى نهدئ الثورة ونطفى النار بينما لا يزال الجمر مشتعلاً تحت الرماد.

  • Digg
  • Del.icio.us
  • StumbleUpon
  • Reddit
  • RSS

تأملات حياتية ......... فى وقائع مصرية

المشهد الأول :-
1- يا تليفزيون الهنا

الزمان: يوم الاجازة وبعد عناء طويييييييل وأسبوع مرييييييير

المكان : الصالة أو الliving Room أو ال reception أو سايبين الشقة كلها وقاعدين فى أودة

الحدث: الزوج والزوجة جالسان يشاهدان التلفزيون " التلفاز" أو التى فى- فى رواية أخرى.

الحوار: صحصح معانا شويه
الزوج فى سره طبعاً " يشاهد فيلم" : أيوه هى دى الناس مش الغفير اللى قاعد جنبى ده ، وشوف شوف العيال مش أطفال الشوراع الموبوئين اللى اسمهم عيالى دول دول مش عيال دول قرود

الزوجة بردو فى سرها طبعاً : يا سلاااااااام هى دى الاجواز " الازواج يعنى" ولا بلاش مش الاخ اللى قاعد جنبى زى الشاويش عطيه ، والله على الورد اللى جايبهولها ... اتعلم يا أخ ( بينا هى تغمز له بأن ينتبه لحركة الورد دى .... هههههههه وهو طبعاً عمل نفسه مأخدش باله)

الزوج: بعدما شعر بالحرج : اقلبى البتاع ده بلا مسلسلات وافلام بلا كلام فارغ اقلبى اقلبى وراح واخد الريموت وقالب

وراح حضرتة مغير المحطة - قال يعنى هرب من الفيلم والورد-
هوبااااااااااااااا جاب الاغانى
ومفيش حاجة تيجى كده ... اهدى عفيفى كده وارجع بقى انساااااااان والست نانسى قاعدة بتغسل
الزوج فى سره تانى: انا عارف ايه الوقعة المنيلة اللى انا وقعتها دى ، كان مالى انا بالارف ده ،قدرنا كده بقى

الزوجة بقى: ايه الدلع ده والله صحيح ناس فاضية ، ماهى لازم تبقى كده لا عندهم هم ولا حاجة ولا فى رقبتها عيال وابوهم قارفينها طول اليوم وياريت عاجبين بعد ده كله.
وفى النص فاصل بقى
الفيلم الجديد لأحمد عز وبعديه فيلم السقا وبعدين كليب تنى لطونى قطان ثم كاظم الساهر وزيدينى عشقاً زيدينى
الزوجة: والله الواحد ما عارف كان ايه اللى وقعه الوقعه دى ، مش كنت دورتلى على واحد زى عز كده يا خرابى قمر يا ولاد قمر ، ولا السقا وهو بينط من فوق الشلال هاااااايل ولا كاظم يا رومانسيتك يا كاظم
أما الاطفال بقى( العيال يعنى) أو Kids أو Children
قاعدين عند الجيران بيتفرجوا على الكارتون وبعدين خلص وجابوا فيلم spy kids
الولد فى سره بردو - ماهو ابن اللى الناس اللى فاتوا دول- : يعنى بابا ده مكنش يبقى زى سوبر مان على الاقل كان دغدغ العيال اللى بيغلسوا عليا فى المدرسة ، ولا ماما يا سلام لو كانت زى سام فى الجاسوسات كانت هتبقى تحفة ، كان نفسى يبقوا زى ام الواد والبت اللى فى الفيلم دول اشمعنى هما يعنى ده انا كنت بقيت حاجة تانية خاااااااااالص

دلوقتى بقى اسمحولى أسدل الستار ، واسمعونى شوية

شوفوا بقى بالنسبة للباشا اللى بيدور على نانسى عجرم ومش لاقيها فى مراته :-
يا فندم لما انت عايز تتجوز واحدة زى نانسى اتجوزت مراتك دى ليه ولا واخدها تخليص حق ، يعنى محدش ضربك على ايدك عشان تتجوزها وافتكر ان دى اللى انت كنت زمان بترجو انها توافق
وبعدين أصلا انت بتتفرج ليه على الكليبات دى ؟؟؟؟؟!!! بذمتك مش مكسوف من نفسك وانت قاعد بتتفرج على المهازل دى

وانتى يا ست الستات ياللى بتدورى على عز وكاظم والسقا فى جوزك ، لما انتى عايزه واحد كده كنتى قبلتى بيه ليه من الاول ولا قلتى لنفسك أهى جوازة والسلام عشان ميتقالش انك اتاخرتى فى الجواز أو عشان تتجوزى قبل بنت خالتك وتغيظيها؟؟؟؟؟؟؟!!!!
أقولكم على حل : انتم تحوشوا كل مرتباتكم لسبع سنين قدام وانت تروح تعمل عملية وتبقى شبه احمد عز ومراتك تعمل عملية وتبقى شبه نانسى بس الاطفال للأسف بقى مش هيتغيروا أصل عمليات التجميل لا تورث يا أساتذة يا كرام

أقولكم حل تانى احنا ممكن نستنسخ نانسى نسخ كتير هى وكمان الهان هيفاء عشان محدش يزعل بس خدوا بالكم نانسى أقل تكلفة عشان هتبقى هى والقلم اللى بتشخبط بيه وده ممكن تشتريه من أى محل أما هيفا فهتبقى مكلفة شويه عشان هنستنسخها هى والواوا والطيارة يعنى 3 *1
لو بتضحك فصدقنى ده الحال وممكن يكون ده حلم ناس كتير
ماهو شر البلية ما يضحك

يا أستاذ ويا أستاذة بايدكم تخلوا حياتكم جنة بس ارضوا باللى ربنا كتبه واستغلوا الحلو فى حياتكم وكبروه وواجهوا مشاكلكم سوا بلاش بقى الهروب وتبادل التهم ... خليكم ناس عاقلين وقدوة صالحة لأولادكم
خليكم منظومة متكاملة كملوا بعض زى ما ربنا أمرنا انتم كيان واحد راعيها وحسسها باهتمامك وانتى كمان راعيه وخدى بالك منه ون بيتك ومن اولادك ، كونى ام صالحة وكن أباً صالحاً ووقتها مشكلة الاولاد هتتحل ، مشكلتهم فى عدم وجود قدوة وانهم بيهربوا لخيالهم عشان مش لاقيين اللى بيحلموا بيه وبيتمنوه عندكم ، علموهم وربوهم صح تفرحوا بيهم فى كل مراحل حياتهم.
written 25-12-2008



  • Digg
  • Del.icio.us
  • StumbleUpon
  • Reddit
  • RSS

إلى متى الصمت؟!!!

الى متى ستظل صامتاً أيها الأبكم
أما آن لك ان تتكلم
أما آن لك ان تتحدث؟!
أما آن لك أن تصرخ؟!!!!
اصرخ ... عبر .... احتج..... اتخذ موقفاً
الى متى العجز والصمت؟!!!
كيف تظل هكذا عاجزاً مكتوف الايدى وهم يقتلون أطفالك امام عينيك؟!!!
كيف الصمت وقد قتلوا أباك واخاك وامك واختك ودورك هو التالى؟
أيها الأبكم الى متى الصمت؟!!!
والى متى الغباء؟!!!
نعم الغباء.. الغبااااااااااااااااااء
أيها الغبى ألم تفهم ما يرمون اليه؟!
ألم تفهم نواياهم وكيف لا وقد مزقت الاقنعة وأصبح اللعب على المكشوف؟!!
كيف لا وقد أظهروا الوجه الغيض أمام العالم بأسره؟؟؟؟؟
كيف لا وقد قالوها صريحة فى وجهك!!
هل ستظل هكذا دون حراك؟
ما الذى يوقفك؟!!
مال الذى يعرقلك؟!!
انه مصيرك انها حياتك
انها أرضك انه مستقبلك
انهم اهلك وذويك
من ذا غيرك يزود عنهم؟!!
من غيرك يتصدى للعتاة الجبابرة المفسدين فى الأرض؟!!
من غيرك؟!!!!!!!!!!!!!
لم لا تجيب؟
هل اعتدت الصمت ام تخشى الخرج للنور؟
صدقنى ان اختبات قتلوك وان خرجت قتلوك أيضاً
فاخرج وقاتل ودافع
مت ذا كرامة أفضل لك من ان تموت جباناً عاجزاً
وكما قال الشاعر
اذا كان من الموت بد .... فمن العجز ان تموت جباناً

وبا أخى لا تعش عيشة الجرذان الخائفة التى ترتعد حذر الموت وحذر الصقور
لست انت الفأر وليسوا هم الصقور وانما العكس هو الصحيح
ولكن كل ما هنالك انك تنظر فى مرآة خوفك وقهرك وتخاذلك
فترى الحقيقة معكوسة ويساعد على ذلك الحرب النفسية التى يقودونها ضدك وأنت تساعدهم بغبائك واستسلامك
وتصديقك لهم وكأنما بنوا هرماً رابعاً أو أتوا بالشمس من مغربها
يا فتى المصير والقدر بيد الله سبحانه وتعالى
لا تخشى غيره ولا تبتغى إلاه
تخلى عن خوفك وضعفك ولو لمرة واحدة فى عمرك
وكن مثل أجدادك العظام
وحاول الوصول ولو لنصف ما وصلوا اليه فى زمن خال من أى نوع من أنواع التكنولوجيا والتقدم
لم يعتمدوا الا على ربهم سبحانه وتعالى ونيتهم كانت خالصة لوجهه الكريم

ابدأ وفكر وانظر النتيجة
صدقنى يدك فى يد اخيك تصنعوا المعجزات
فقط حاول وابدأ
وكن على علم أنه
من يتهيب صعود الجبال ... يعش أبد الدهر بين الحفر

  • Digg
  • Del.icio.us
  • StumbleUpon
  • Reddit
  • RSS

انها غزة

قرار بفتح المعبر لا لا لا لا
قرار بغلق المعبر لا لا لا لا
قرار بفتح المعبر لا لا لا لا
قرار بغلق المعبر
لا حول ولا قوة الا بك يارب
لمن نشكو إلا لك
غزة يا مدينة الصمود
يا مدينة فى بلاد لن تموت
يا مدينة تعالت فيكى أصوات الجراح
ودوت فيكى أبشع الانفجارات
مالكى أنت ومالهذة الأحداث
وما ذنبك الا أنك عربية؟!!
ما ذنبك الاأنك مسلمة؟!!!
تنام أعين الناس واعين بيوتك لا تنام
وان صادفها النوم فيكون النوم الأبدى الذى لا رجعة منه
لكى الله يا بلاد فى عيونى
لك الله يا قطعة من قلبى ولكن
سامحينى فأنا عاجزة عن حتى التفكير
عاجزة عن تقديم العون
سامحينى واغفرى لى ذلتى
أنا مكتوفة الايدى لا أستطيع حتى الكلام
لقد تلعثم لسانى وضاعت منى الحروف
لاأجد سوى حرفين يمثلون كلمة آة
ليس لى كلمة سواها
ولا أستطيع قول الاها
آآآآآآآه .... يا كلمة فى ضميرى
سامحينى لقد خدرت الضمير
وسددت الأذان وربطت الأيدى ووضعت غشاوة على عيناى
سامحينى إنى ضعيف
لا استطيع تقديم اى عون لك
ادعى ربك أفضل منى يساعدك وينجيكى
وادعيه كى يغفر لى
واطلبى منه ان يصلح حالى
فللأسف انا أتكاسل عن حتى الدعاء
لنى منشغل بهموم حياتى
منشغل بلقمة عيشى
منشغل بحياتى وأولادى
منشغل بدراستهم ... منشغل بالحفاظ على وظيفتى كى لا يخصخصوا الشركة التى اعمل بها ويسرحوننى
منشغل بهذا وذاك ولا وقت لدى للتفكير فيكى انت أو شهداؤك ولكننى أبكى عندما أرى ما يحدث
صدقيننى اننى أذرف الدمع ووالله اننى أبكى من الأعماق
فلا تقلقى ان دموعى ستغرقهم
لكن ادعى الله ألا يأتى الصيف وتبخر الشمس دموعى قبل ان تكون السيل الذى سيغرقهم
أعدك أنى سأفكر فيكى من حين لأخر كى لا أنسى عروبتى
لكن سامحينى لن أقدم لك شيئاً لأننى منشغل عنك بهمى وأحمالى الثقيلة المصطنعة كى أغفل عنك
انى كما يقولون : بحب أمشى جنب الحيطة ومليش دعوة بقى باللى بيجرى طالما باكل وبشرب وعايش والسلام"
عموما السلام ختام
لقد أحببت فقط ان القى عليكى السلام واعلمك أنى مازلت أتذكرك يا .......
ما هذا لست أذكر
ءأنت العراق لالالالا السودان لالالالالا لبنان لالالالا الاندلس لالالالا
أه أه تذكرت أنت دير ياسين لا بل رفح لا بل غزة ...نعم... نعم ذكروا اسمك فى نشرة الاخبار
مرحى لك لقد صرت مشهورة ...." يا بختك طلعتى فى التليفزيون"
!!!!!!!!!!!!!!!!!!!!!!!!!!!!!!!!!!!!!!!!!!!!!!

  • Digg
  • Del.icio.us
  • StumbleUpon
  • Reddit
  • RSS

إلى أين؟ أجيبينى......

ترى ما هذا الشئ الكيان المسمى نفسى؟!!!
انى أبحث عنى فى كل ما بداخلى
أبحث عنى فى عيون من يعرفوننى فلا أجدنى
أبحث عنى فى عيون أصدقائى فلا أجدنى
أبحث عنى فى داخلى وبين ثنايا جنبى فلا استطيع الوصول الى الأعماق
أحاول أن أسبح فى كيانى على أبلغ آمالى
ولكن لا استطيع التوغل اكثر ، لأنى أجد شيئاً يمنعنى وبقوة من التعمق أكثر وأكثر
ربما كنت وصلت لنهاية المطاف ولا أدرى
وربما لم أبدأ من الأساس وتخيلت ذلك
لست أدرى
ربما وربما وربما .... أفكار كثيرة تجول بخاطرى حين أسعى للبحث عنى
أبحث عنى فى تصرفاتى فى أفعالى وأقوالى
ربما أجدنى وربما لا
ليس معنى هذا أنى أقول مالا أفعل ولكن،...
أحياناً تجد ما بدأته صعب الانتهاء منه وربما تتثاقل عليك الأحمال
فلا تجد لك بد من التفكير فى أنك ربما كنت مخطئا من البداية عندما قررت خوض تلك المعركة
تلك المعركة مع نفسك ومع من حولك
تتحدى العالم بأكمله من اجل اثبات ذاتك
تبنى نفسك من العدم مستعيناً بربك
وتصل الى قمة حماستك وتشعر وكأنك بطل من أبطال روايات العصر الذهبى
الذى وضع مستقبل العالم بينه بين يديك
وتكون على يقين من أنه بامكانك تغيير العالم واقناع من حولك بما تراه صحيحاً
ولكن تدور الايام وربما تجد نفسك تفكر أنك ربما كنت مخطئاُ فى ظنونك تلك
فلربما حلمت وأطلقت لخيالك العنان فأخذك الى مالم يكن لك أن تذهب اليه
ووضعك فى مكان ربما كان من المبالغ فيه ان توضع فى مثل تلك المكانة أو الحلم الذى حلمت به لنفسك
تتثاقل الاحمال وتتثاقل
حتى تجبرك على التفكير فى ربما لم تكن أنت من البداية البطل المنشود وأنك أخطأت فى حساباتك
وانك وضعت نفسك فى شئ لا يمكنك اكماله ولم تكن لديك المقدرة لأكماله من البداية ودفعتك حماستك اليه

ربما وربما روبما
ولكن فى النهاية لا أدرى ان كنت أنا أنا أم أننى مازلت أبحث عنى
ربما يكون هذا حلماً أو كابوساً وربما يكون واقع
وان كان حلماً فهل سأفيق منه على واقع أرجوه وأود أن اعيش فيه ؟؟ أم انه سيكون واقع مؤلم لا أستطيع التعامل معه؟

وان كان حقيقة فأين أنا الآن؟
كان من الصعب فيما مضى أن أظل أبحث عنى فلا أجدنى
فطالما وجدتنى وعرفتنى ورأيتنى فى أعين من حولى
أما الآن فلا لا اجدنى حتى بداخلى
ربما أثقلت الاحمال جفونى فلم أعد أرانى
ولم أعد ارى المستقبل كما كنت أراه من قبل
أتندم واتحسر على أشياء فعلتها او ضيعتها من يدى واتمنى لويعود بى الزمان فأصلح ما أفسدته أو بمعنى ادق ضيعته من بين يدىولكن رما لو عاد بى الزمان - إن عاد- لا أصلح شيئاً مما أرجو أن أصلحه ، مع العلم بأنه لم يكن هذا الشئ ضمن حساباتى حينها
واحياناً اتذكر الماضى وأفرح بأشياء فعلتها وحددت بها اتجاهى سابقاً ولكن الآن الى أين
الى أين تأخدذيننى يا نفس
الى أين تودين أن تلقى بى
كفاكى وكفانى ما لاقينا ....
كل ما أطلبه منك الآن هو أن تساعدينى فى استرجاع بصيرتى كى أدرك من أنا وأرانى مجددا فيمن حولى واجدنى فى نفسى التى بين جنبيا

ساعدينى وادع معى الله أن يساعدنى فلربما أجد الاجابة على سؤال طالما أرّقنى الفترة الماضية وهو :
إلــــــــــــــــــــــــــــــــــى أيـــــــــــــــــــــــــــــــــــــــن؟!!!!!!!!!

  • Digg
  • Del.icio.us
  • StumbleUpon
  • Reddit
  • RSS

الماكر والطوفان



==>أيها المسكين ....... حان دورك يا متين


لا تحاول حتى النداء ....... فليس هناك من يستجيب


أنت وحدك ها هنا أمامى


وأنا بمفردى متحكم فيك


سأوذيك ...... سأقطعك إرباً


وعندما أٌسأل أقول قتيل


قتيل أنا .... وقد اخذت حق


أخذت حقى من ارهابى سطا علىَ


ارهابى قتل لى فى كل مكان إنسان


وأنا الآن أنتقم لهم


والحقيقة .........................


الحقيقة أنى أنا القاتل


الحقيقة أنى ماكر وداهية


لا تستطيع التغلب علَىَ


أنا هو من يقتل ويسرق


واثبت عكس ذلك ان استطعت


حتى وإن أثبته فلن يصدقك أحدا


وان صدقوك سأجعلهم يكذبونك


لأن بيدى أقوى السلاح


وأنا القوة العظمى


أتحكم بمصائر أمم وشعوب


وأنت ... أنت يا مسكين


من يمنعك منى؟؟!!!


لن تجد أحدا فالجميع فى معسكرى


وإن هم أحدهم بالفرار منه ومساعدتك


أشرت الي بإصبعى ........


هذا ... هذا هو


هذا هو الجاسوس الخائن


هذا من من كان يدعم الارهابى


ويدله على أماكننا ... ويخبره بخططنا ومواعيد هجماتنا


أدركوه ..... أحضروه ..... واقتلوه


أو ............


اجعلوه يعترف بأنه خائن وأن هذا المسكين ارهابى


ها ها ها ها هاااااااااااااا


أتعجبك ضحكاتى؟!!!!!!


ها ها ها ها ها هاااااا


إنى أرى أنها ترعبك


نعم هى ضحكات شيطانية


فهو حليفى ، وملهمى بأفكارى


وسأقضى عليكم جميعاً يوماً ما


وسأفنيكم ولن يبقى لكم أثراً


ها ها ها ها ها ها هااااا





==> توقف ... اصمت ....


أنت أيها الماكر المخادع


أتظن أنك ستفلت بفعلتك هذة


لا وربى وخالقى أبداً


لن تنجو من العقاب أبداً


ان كان الشيكان هو حليفك


فالله ربى هو حليفى


هو منجىَ منك ومن ألاعيبك


هو من سيخرجنى من براثن قذرة


تعبث بى منذ سنين


نعم ...... كنت مستسلماً


نعم ...... كنت متخاذلاً


نعم .... كنت أنانياً


نعم ... كنت اعمى وأصم


نعم ...... كنت كل هذا بل وأسوأ


ولكن


حان الوقت كى أفيق من غفلتى


حان الوقت لأصحو أقاتل


حان الوقت كى أدافع عن اخوتى


كى استميت فى الدفاع عن أرضى وعرضى


سأنتصر ورب الكعبة


سأنتصر باذن الله


ولن تستطيع ابتلاعى


ولا السيطرة على ثرواتى


سأنتزع من براثنك القذر


سأنتزع منها كل ما أخذته عنوة وقهراً


وسأرد لك الصاع صاعين


ولن أرحمك أيها الثعبان


وسأقبض عليك بأنيابى


وأنتقم منك


فى أى مكان كنت


لأن الله حليفى ولن تستطيع الاختباء منه


لذا سأجدك واطبق عليك بفكى


ووقتها...........


لن تتوقع ماذا انا فاعل بك


بالله لأعذبنك مثلما فعلت بأبناء عمومتى


تالله لأذبحنك كثلما فعلت بأخوتى


فوالله لأقطعنك وأمثل بك


مثلما فعلت بأطفالى


ولن ينجيك من يدى أحداً


نعم ... لقد أفقت من غفلتى


وسترى


أما قيودى هذة.................


ها قد تحررت منها


والآن ونحن واقفون رجلاً لرجل


من يمنعنى عنك؟!!!!!!!!


أحليفك الشيطان أم أنك ستستعطفنى؟!!!






==> م م م ما .. ماذا!!! ماذاّّّّّّّّّّّ!!!!!!!!


أحقاً فككت قيودك


لا استطيع تصديق عيناى


لا ... مستحيل


لقد حررت نفسك


ما بالك أصبحت قويا هكذا؟


يا حليفى أدركنى .... اغثنى


ماذا انا بفاعل ؟؟؟


أرجوك ساعدنى


أيها الانسان


أرجوك لا تؤذينى


وأعدك ... أعدك أن أكف عن أفعالى


ولكن أرجوك سامحنى


أرجوك ... اعف عنى


فأنت الكريم ابن الكرماء


وطوال عمرك لم تؤذ أحداً


انك طيب القلب


اعف عنى مثلما فعل أجدادك مع اجدادى


اعف عنى مثلما فعل جدك الأعظم صلاح الدين مع آرنولد


اعف عنى مثلما فعل نبيك وحبيبك مع من آذوه


أرجوك .... أتوسل اليك


لا تقتلنى ... لا تقتلنى


أرجووووووووووووووك





==< الآن ... الآن تذرف الدمع


أيها الخبيث الماكر


لا وربى لا أتركنك أبداً حتى أقتلك


والآن وقد ذكرتنى بأجدادى العظام


من صنعوا تاريخاً وحضارات


ضيعتها بيدى هاتين


فقد آن الآوان كى أسترد مجدهم


وأفعل ما يجعلهم يسامحونى


ويغفروا لى ما مضى من ذلات


الآن وقد ذكرتنى بهم


فلابد لى من قتلك





==> يا ويلتى لقد ذكرته بهم فزادت حماسته


وزاد اصراره على قتلى


يا ويلتى ماذا فعلت بنفسى


أرجوك ...... سامحنى


أقبل قدميك اعف عنى


أرجوك


انتم أهل الجود والكرم


أنتم أهل العفو والمغفرة


والهك هو الغفور كما تقولون


فأرجوك وأرجوه أن تغفروا لى ذلتى





==> الآن أيضاً وقد استنجدت بالهى


فلابد لى من قلتك أيضاَ


كى أكفر عن ذنب اقترفته وأنا مغيب عن الواقع


منشغل بلهو الدنيا ومفاتنها


الان وقد استنجدت بصفاته العلا فى العفو والمغفرة


أخبرك أن من صفاته أنه المنتقم الجبار


وباسم هاتين الصفتين


سأقتلك الآن وبدون تردد



ورفع سيفه وقتل هذا الماكر الخبيث


وطهر الأرض من رجسه ونجاسته


الآن حصحص الحق


وتعالت صيحات التكبير


الله أكبر ... الله أكبر .... الله أكبر


الحمد لله ... الحمد لله ... الحمد لله


الله اكبر كبيرا والحمد لله كثيرا


وسبحان الله بكره وأصيلا


وبينما هم كذلك يكبرون ويحمدون


أتت ريح طيبة قبضت أرواح المؤمنين منهم


بعد أن أدوا أدوارهم


ووفوا نذورهم


وحلت البركة بالأرض


لزوال الرجس والغى


وتطهرت


وكانت أخر الكلمات التى تتردد على ألسنتهم


لا اله الا الله


محمد رسول الله






  • Digg
  • Del.icio.us
  • StumbleUpon
  • Reddit
  • RSS